Mababait ang mga tao sa profriends.Kahit na medyo naiinis ako sa pagkakataon na iyon hinayaan ko na lamang siyang i explain ang ibig sabihin ng lot alteration (kahit na alam ko na kung ano iyon)...
Mababait ang mga tao sa profriends, ultimo gwardiya ay magalang. Lahat sila ay magiliw kang haharapin kapag wala kang problemang idinudulog. Ngunit kapag inilatag mo na ang problema ay magiging malamig pa sa yelo ang treatment nila sa iyo.
a. hahayaan kang magsalita at ibulalas ang sama ng loob mo sa kumpanya nila, tutugon sila ng yes mam, i understand mam, okay mam, nang nakatitig sa computer. hindi mo alam kung tinitignan yun unit mo ( pwedeng oo pwedeng hindi dahil ang tagal naman nilang magbukas ng file kung ganun, imagine ilang minuto nagbrowse browse ng pc tapos wala naman isasagot sayo).
b. tatayo tayo para may tawagan kuno, o icheck or iprint or kausaping head. maghihintay ka ng ilang minuto pero same parin ang sagot, kung hindi man: wala kang makukuhang sagot.
c. opo at oo lang ang sagot, mapapagod ka lang kakapaliwanag pero wala talagang kahit anong sagot maliban sa maghintay ka sa email, tawag o magpunta ka sa mandaluyong office.
Nakakapagod talaga ang magpabalik balik. Sa unang pagpunta ko yun nga ang nangyare (nakasaad sa part 1 ng post ko).
Nagpunta naman ako sa pangalawang pagkakataon at ibinigay ko ang request letter ko.
Nakasaad doon na bakit nagkaron ng lot alteration? at ano po ba ang mga pwedeng options sa lot alteration. Unang una baka pwede nila akong bigyan ng same unit pero same price, dahil yun bagong location ay mas mahal ang presyo at hindi pa okay ang pwesto na ibibigay saken. O baka naman pwedeng bigyan nga nila akong ibang unit kahit na mas mahal wag lang ako umalis sa kanila, may pamangkin ako , hipag at mga kaibigan sa subdibisyon na iyon kaya gusto ko rin sana dun na lang din ako manatili kahit na medyo mapapamahal ang bayarin ko. Okay na rin sa akin.
Wala silang naging sagot at tugon. Ako na nga itong nagboluntaryong magbigay ng options sa kanila para ma-save ang aming kontrata. Kaso nga wala talaga.
Makailang ulit ako nag punta at nagbigay ng sulat.
Sa mga sumunod ay inilagay kong hindi ko na kaya pang maghintay sa kanila. Dahil ang wala namang kumakausap sa akin kung ano ba ang mga dapat kong gawin or mga bagay na pwedeng isa alang alang.
Kaya sa huling sulat ko isinaad kong hindi na ako tatanggap pa ng kahit anong proposal o offer (actually wala naman silang offer ako lang itong nagmagandang loob na maghanap ng ibang unit para nga hindi kami magkasira ng pfi).
Inilagay ko rin doon na hindi ko tatanggapin ang bahay bukod sa mahal ito kesa sa dati, hindi pareho ng lokasyon (ang ibig ko po bang sabihin ay yun dating isa lang ang kahati namen sa service area) at open space ang likod, pangatlo kami from end unit etc etc..at bukod pa dun 2014 ang turnover hindi indefinite 2015.
Paano na po ang mga plano namen halimbawa na ang pagaabroad kung hindi pala sasakto sa mga plano namen ang paglipat sa bagong bahay nang maisaayos ang aming pamilya bago kami gumawa ng iba pang plano?
Makalipas ang ilang araw, wala akong natatanggap na tawag or email kagaya ng sinabi nila sa akin maraming beses na, nagpunta ako ulit sa PFI para malaman kung ano na ang nangyare. eto ang sagot:
Mam disapproved po ang request nyo, ang gusto po ni PFI is either tanggapin nyo ang bagong location or tanggapin ang RFO.
Say what? May choices pero sila parin ang wagi? Medyo hindi ako natuwa sa pagkaka deliver ng message, unang una parang wala akong magandang narinig , pangalawa hindi talaga maganda pagkakasabi saken ng CSR,siguro minsan depende rin sa tono ng boses yun eh, may mga pangungusap na may po pero walang lambing at may mga walang po at opo pero maganda ang pagkakadeliver. Nainis talaga ako.
Mayron na pala silang desisyon, bakit hindi nila ako inemail, mas lalong nag alab ang damdamin kong HINDI NA MAGSTAY sa kanila. Nakakainis. Email lang di magawa? Pero sa singilan, ang bilis?!
Ayun sinabi kong hindi ako papayag, at sinabi rin naman nilang hindi pwede at hindi ganun kadali iyon. Mahaba habang diskusyunan ang nangyari hanggang sa sinabi sa aking iproprocess na lang daw nila ulit. Dun ko rin nalaman na yun RFO na binibigay ay inabandonang unit..So tatanggapin ko pa ba iyon tanong ko sa isip ko. Baka mas malaking problema pa ang hatid nito.
Sa madaling salita, naghintay na naman ako ng ilang araw, wala paring tawag o text samantalang supervisor na ng CS ang kausap ko at nangakong magbibigay ng update weekly. Medyo hindi ko nga gusto ang tono ng mga text ng supervisor nun nagtanong ako ng ilang bes at hindi siya sumasagot. Parang ang dating eh ang kulit ko at tanong ako ng tanong. Na hindi pa siya makasagot dahil wala pang sagot. Okay lang naman kung wala pa. E di magtext siya mam, wait lang po! Kunti lang! hahaha.. o diba mas okay yun?
Sa pang ilang beses/pagkakataon ay bumalik ulit ako sa kanilang opisina upang dumulog.
Ay nga pala bago ko makalimutan nakatanggap na nga pala ako ng email from CS na kasama nga raw ako sa lot alteration at kung hindi ako sasagot sa email nila ay maaring ang sagot ko ay OO pumapayag ako sa lot alteration. Ang dami kong email sa kanila at reply na rin sa Lot Alteration email nila ay wala naman sumasagot..baka mamaya kako nyan eh sabihin nila wala sila natatanggap at ibig sabihin nun UMOO ako.
Kaya ayun, balik ako ulit sa PFI. At again, sabe nila ang processing ay 3-4 weeks maghintay lang ako. At again medyo nainis na naman ako ng sabihin saken ng CSR na mam, nakailang balik napo kayo at submit ng request po? Right po ba? same lang din po ang sagot mam eh. iproprocess at tatawagan kayo for the status.
Hmm may PO nga sarkastiko naman ang boses. Pati ang supervisor ay umiiwas ng tingin sa akin. Ang hilig kasi mangako ngayon mga walang mukhang iharap. Ayaw na nga rin nila ako ipakausap sa agent na 2x ko na nakakausap. Ayaw ko na sana sa iba kasi ang hirap paulit ulit magexplain.
That time may katabi kaming mag-asawa. OFW ang lalaki, frustrated din sila kasi wala paring bahay na ginagawa. Galit na galit na yun lalaki ( which i think grabe na ang issue kasi sa gantong mga bagay tayong mga misis lang talaga ang mahilig maghagis ng bomba hahaha pero this time nagulat ako ang hinahon ng mister pero nasagad na yata kaya nagalit na).
Sabe ko sa CSR, hindi ako aalis dito hanggat wala akong matinong sagot. Pati ang hubby ko na super bait ( hindi ako nagbubuhat ng sariling bangko :) mabait po talaga ang asawa ko at hanggat maari ayaw niya ng diskusyon) nagsabi na rin ng bakit naman ganito kayo sa amin, hindi naman kami nahuhuli sa pagbabayad, lahat naman ng kailangan ay ibinibigay namin. Gusto nyo pala ma-save ang kontrata naten bakit hindi niyo ipakita na gusto nyo pa kaming magstay sa inyo?
As usual, nakatitig na lang siya sa computer. Kunwari'y busy sa pagcommunicate sa kung sino man. At sinabing yun lang po talaga maghintay lang po kayo sa info ng office.
At sympre, napatid na ang pisi ko, tumaas ang boses ko pero hindi naman eskandalo ang peg. Sinabi kong hindi na ako maghihintay pa at hindi na rin ako magaaksaya ng oras dito dahil me trabaho rin ako. Ilang beses na akong umabsent dahil sa inyo. Muntik na akong mawalan ng trabaho dahil sa abala n iyan! At nadadagdagan pa ang budget ko sa pagpunta punta dito, pati oras ko nauubos , ngayon pati pasensya na. Naibigay ko na ang konsiderasyong hinihinge ninyo. Email o tawag lang ang gusto ko hindi nyo maibigay kaya sige ngayon kailangan kong makausap kung sino ang pwedeng kausapin.
Tumawag din kami sa kamag-anak nameng abugado that time. Pero hindi naman nila inentertain dahil wala daw sila sa posisyong makipagusap.
Makalipas ang ilang SEGUNDO, take note ilang segundo ng magtaas ako ng boses at aakmang mageskandalo na( na hindi ko naman ginawa dahil hindi maganda), ay nagulat na lamang ako sinabeng MAM okay na po ang request for refund.Madali lang pala sila magdesisyon pero pahirapan pa ang pagkuha ng perang hindi ko naman inutang sa kanila. Pera ko yun, pinagpaguran ko. Hindi naman ako magcacancel kung walang problema. Actually, kahit nga may problema na ay binigyan ko parin sila ng pagkakataon pero mukhang hindi naman nila ako priority so okay lang.
Nakatanggap nga po pala ako ng email from CS nila na they are giving me money for backout. Sinabe ko sa kanila pakiayos ang mga documents at ilagay doon cancellation for lot alteration. Baka isipin pa ng ibang tao na hindi ako tumupad sa kontrata sa pagbabayad. At ang nakakatawa nagemail ulit sila mga 5minutes after na.. Okay mam CANCELLATION DUE TO LOT ALTERATION. haha hindi ko alam kung sarkastiko iyon or tinutuya ako o talagang sumusunod lang sa request ko.
Nakakahiya nga e pag nasa information table ako, lakas lakas ng boses nila kung ituring ako:
ay yan ba un BACKOUT?ang dating sa mga katabi ko eh ako yung hindi makabayad o nagbackout. KAINIS LANG hahah
Pero hindi na sa akin mahalaga iyon. Ang mahalaga hindi na ako mastress.
Ay siya nga pala, nun pagkapasa ko ng first letter ko sa kanila ng cancellation ko ng contract nagpurchase agad agad ako sa ibang developer para mameet ko yun time table ng plans namen. Hindi ko nailagay yun sa unang sulat ko. Kaya sa sumunod ay Idinagdag ko sa request ko iyon na hindi na ako tatanggap pa ng offer mula sa kanila kasi nakakuha na ako sa iba. Dahil expected ko ay February to June 2014 na hindi nila mamemeet at mahihirapan ako sa plano namen magasawa. Kaya kailangan ko na magpurchase sa iba.
Nag full dp na kako ako at hindi ko na pwede pa icancel. Hindi ko alam kung nakadagdag din iyon sa pagprocess ng mabilis.
Sa ngayon naghihintay parin ako ng REFUND :)